| Libro: | Iracema |
| Aŭtoro: | José de Alencar |
| Eldonisto: | KKE - Kultura Kooperativo de Esperantistoj |
| Prezo: | R$ 10,00 |
Mia amiko:
Ĉi tiu libro eble rekontos vin en via pentrinda bieneto, sur la ebena kamparo, ĉe via dolĉa hejmo loĝata de la nombra idaro: ĝojo kaj espero de la geedzoj.
Mi supozas, ke tiam estas plej varma horo de la siesto.
La vertikala suno forte disĵetas fajrajn radiojn sur la patrujajn sablojn; la birdoj mutiĝas; la vegetaĵaro malvigliĝas. La naturo suferas la influon de la potenca tropika disradiado, kiu produktas la diamanton kaj la genion - la du plej sublimajn elvolviĝojn de la krea povo.
La infanoj ludas en la ombro de la flanka domomuro per malgrandaj bovostoj, kvazaŭa bovaro. Tiel mi ludis, multajn jarojn antaŭe, en alia bieneto ne tre malproksima de la via. La mastrino, amema kaj nelacigebla, rompigas la nematuran kokoson aŭ preparas bongustan kremon el "buritio", por refreŝigi sian edzon, ĵus revenintan hejmen, el traesplorado tra la bieneto, kaj nun ripozantan, sin lulante en lanugeca kaj komforta hamako.
José de Alencar