La Dua Tago de la 42-a BKE en Rio - Julio 2007

La Dua Tago de la 42-a BKE en Rio

Estimataj:

Hodiaŭ komenciĝis la kunsidoj planitaj por okazi en la kongresejo de la 42-a BKE (SUESC).

En la halo de la kongresejo tre frue komencis funkcii plurajn budojn de diversaj institucioj, kiuj propagandis siajn E-ajn materialojn: Societo Lorenz, LBV, Eldonejo Oportuno, Amarilio Carvalho kaj liaj ĉemizoj ktp ...

En la aŭditorio, kiu troviĝis en la dua etaĝo, okazis la jenaj eventoj:

Interreligia Kunveno (Robinson Mattos)
Prelego de Geraldo Mattos pri "Sintakso kaj Semantiko"
Prelego de Alfredo Aragón pri "Enkonduko al la Klasika Muziko"
Prelego de Floriano Pessoa pri "La Oratoro de Esperanto"
Lanĉo de la libro "Dom Casmurro", de Machado de Assis, fare de Paulo Sérgio Viana
Prelego de Jorge das Neves pri "Latina Lingvo kaj Esperanto"

En la ĉambro "Everardo Backheuser" okazis la jenaj prelegoj:

Meditado: Bazaj Principoj por Tuja Uzado (Elmir Lima)
La Revolucio per la Kulero: Kiel Vegetarismo Povas Helpi la Nuntempan Mondon (H. Batagelo)
La Astrologia Mapo de Zamenhof (Aloisio Sartorato)
Socia Respondeco: Hejmo Fabiano de Cristo (Danilo Vilela)
Kio kaj Kia Estas Akvo? (Alberto Barrocas)
Ni Semas kaj Semas, Neniam Laciĝas: pri Disvastigado de Esperanto (Daniel Peliz)

En la ĉambro Couto Fernandes okazis la jenaj eventoj:

Kurso "Demandu Fizikiston" (José Lunazzi)
Ronda Tablo pri "Disvastigado de E-o per Amaskomukiloj" (Fabiano Henrique)
Diskuto pri la kongresa temo "Cent Jaroj de E-Movado en Brazilo: Strategio por la Estonto"

En aliaj ĉambroj okazis la jenaj eventoj:

BEJO-Kongreso
Ekzamenoj de Baza Kurso
Baza Kurso gvidita de Jair Salles
Konversacia Grupo gvidita de Ademar Diniz
Infankongreseto, gvidita de Mariza Oliveira kaj skipo

Finfine vespere okazis ankaŭ en SUESC la tradicia Arta Vespero, organizita de nia kompetenta stelulino Neide Barros Rego, kaj kiu konsistis el:

Neide varme aplaudita de la ĉeestantaro interpretis, akompanata de la gitaristo Argemiro Spindola, la jenajn kanzonojn: Ho mia kor', La Suno Mia, Idianino, En malproksimo, Nigraj Anĝeletoj, Kanto de l' Rivero
La gitaristo Argemiro Spindola sola kompetente ludis la jenajn verkojn: Gotas de Lágrimas, Recuerdos de Allambra, Sons de Carrilhões kaj Tarde de Itapoã
Eksterprograme lerte ludis fluton s-ano el Divinópolis, interpretante du muzikojn: Garota de Ipanema kaj Carinhoso

Aldone al la hieraŭa raporto pri la Malferma Kunsido mi devas informi ke Neide Barros Rego ankaŭ bele deklamis la zamenhofan poeziaĵon "Preĝo sub la Verda. Standardo". Ni pardonpetas al Neide pro la manko de tiu informo!

Raportis:
Aloísio Sartorato - esperanto@kke.org.br
Rio/Brazilo. Julio 2007.

[Reveni]